Минем профессиям – минем карьерам

Минем профессиям – минем карьерам

Без бәхет турында көн дә сөйләшәбез, өметләнәбез, хыялланабыз. Бәхет бит безнең үз кулыбызда , бәхетне без үзебез тудыручылар. Һәркемнең яшь чактан ук ирешергә теләгән хыялы була, һәм кешенең шушы хыялга туры кыйбласы булса, әлбәттә ,ул максатына ирешә.

...Бишенче сыйныфта рус теле дәресендә яраткан укытучым –Гарипова Лемуза Зәки кызы “ Кем булырга?” дигән инша яздырды ,һәм мин ,бер дә икеләнмичә , киләчәктә укытучы булам дип , туган авылымдагы укытучыларыма охшарга тырышуымны, алар сыман тыйнак, чибәр, белемле булырга теләгәнем турында язганымны хәтерлим. Хәтта укытучым чыга -рылыш вакытында минем Минзәлә педагогия училищасына барачагымны ишеткәч , сөенеп: “Афәрин, булдырасың, яшь чактан ук сайлаган хыялыңны тормышка ашырырга язсын,“ -дигән теләкләрен истән чыгармыйм.

Чынлап та, укытучы профессиясенең мәңгелек профессия булуына,кешенең дөньяда яши башлаганнан бирле һәрвакыт тормыш тәҗрибәсен өйрәнү,үзләштерү ихтыяҗы кичергәнлегенә өметләнеп, мин укытучы профессиясен үзләштердем һәм бер дә үкенмимен. Сабый күңеленә белем орлыклары,игелек, шәфкать иңдерүне ,белем баскычлары буенча югары менүче укучыларга ярдәм итүне мин үземә максат итеп куйдым һәм , әлбәттә, бу юлдан тайпылмыйча 32 ел хезмәт күрсәтүем белән горурланып сөйли алам. Язучыбыз Клара апа Булатова әйткәнчә:

Миңа сорау бирсәләр:

-Бәхет ни ул ?-дисәләр,

Бәхет-шушы укучылар

Кеше булып үссәләр.

Минем укучыларым арасында үземнең профессиямне сайлаучы укытучылар да, шәфкать туташлары да,инженерлар да,җитәкчеләр һәм башка һөнәр әһелләре дә бар, шунысы куанычлы- үземнең улым һәм кызым да укытучылык һөнәрен сайлап минем юлдан киттеләр.

...Язмыш синең тез астыңа китереп сукса - егылмас өчен, якасына ябыш. Утларга салса, үзең аннан да көчле ян, шул вакыт аның кызуын сизмәссең. Суларга ташласа-күбек булып өскә күтәрелмә, асылташ булып төпкә бат, ялтыравыңны күреп, чумып алырлар. Тузан итеп һавага күтәрсә - яңгыр тамчыларына кушылып, җиреңә төш. Караурманнарда адаштырса - кояшка карап юл сайла. Ташлар белән бастырса - чишмәгә әверелеп ургы. Җиргә күмсә -орлык шикелле тишелеп чык. Җилкәнеңне җилләр екса - йөрәгеңне җилкән итеп күтәр. Нинди генә очракта да җиңәргә өйрән. Көчле рухлылар гына максатларына ирешә алалар. Түземлеләр генә бәхеткә лаек,” -дип язган яраткан язучыбыз Фәнис Яруллин. Бу искитеч сокланмалы,тормышның ачысын –төчесен күргән язучыбыз сүзләре барлык кешегә дә кагылмаса да,хәер мине дә читләп узмады, әти –әнием минем тормышымда иң кирәк вакытта үлеп китеп, әбине дә карап, соңгы юлга озаттым. Боларның барсына да минем әтием-әнием, әбиемнең мине тәрбияләп үстергәндә биргән шәфкатьлелекләре, миһербанлылыклары булышкандыр , ахры. Мин язмышыма үкенмим, чөнки мин бик бәхетле, тормышымда-лаеклы хатын, балаларымның -яраткан әниләре, мәктәптә-укучыларымның яраткан укытучысы. Сезгә дә киләчәктә яраткан һәм ышанычлы юлыгызны сайлавыгызга өметләнәм һәм уңышлар телим.”

Комментариев нет

Добавить комментарий

Ваш адрес email не будет опубликован. Обязательные поля помечены *

50 − = 49

Классному руководителю
Ауған соғысына қатысқан жерлестеріміз

Тақырыбы: Ер есімі – ел есінде Мақсаты: Ауған соғысы жайлы мағлұмат беру, Ауған соғысына қатысқан жерлес жауыңгерлермен таныстырып, қайсар жауынгер ағалар ерлігін үлгі ете отырып, Ауған соғысында опат болған боздақтар рухына тағзым етуге, есімдерін қастерлеуге тәрбиелеу; Көрнекілігі: Слайдтар, видео сюжет, буклеттер, фотоапарат, Өтетін орны: Акт залы Өту барысы: І. Кіріспе …

Классному руководителю
Қазақ әдебиеті бойынша сабақ жоспары «Ш.Құдайбердіұлы» (10 сынып)

Күні: Пәні: Сыныбы: Сабақтың тақырыбы: Шәкәрім Құдайбердіұлы және оның өмірі мен шығармашылығы (жалпы шолу). Сабақтың мақсаты: Білімділік: Оқушылардың Шәкәрім Құдайбердіұлы туралы білімдерін тексеру,дамыту; ақын өлеңдерінің идеясын ашу, рухани-адамгершілік қағидаларымен танысу,өлеңдерін нақышына келтіре оқи отырып,негізгі түйінді таба білуге дағдыландыру; Шәкәрім лирикасы мен Абай өлеңдерінің үндестігін тануда оқушыларды өзіндік ой қорытуға бағыттау. …

Классному руководителю
«Ата салтым — асыл қазынам»

Ашық тәрбие сабақтың тақырыбы: «Ата салтым - асыл қазынам» Мақсаты: Ұлттық сананы ояту, тәрбиелеу, жас ұрпақ санасына, туған халқына деген құрмет, сүйіспеншілік, мақтаныш сезімін ұялату, ұлттық рухты сіңіру. Ана тілін, ділін, дінін, оның тарихын, мәдениетін,өмірін,кәсібін қастерлеп, салт-дәстүрін, рухани- мәдени мұраларын менгеру. Мұғалім: «Ата көрген оқ жонар, ана көрген тон пішер» …